လွန်ခဲ့တဲ့သုံးလေးနှစ်ကလူမှုဆက်ဆံရေး ရက်တိုသင်တန်းတစ်ခုတက်ဖြစ်ခဲ့ရင်းနဲ့ ကြုံခဲ့ရတာလေးပါ။
တစ်ရက်မှာ သင်တန်းနည်းပြက ကျွန်တော်တို့ကို အထူးအဆန်း တစ်ခု လုပ်ခိုင်းပါတယ်။ အတိတ်က ကိုယ့်အပြုအမူ တစ်ခုခု ကြောင့် ကိုယ့်စိတ်ထဲမှာ ရှက်ရွံ့နေရတာ၊ အားနာနေရတာ၊ အပြစ်ရှိတယ်လို့ ခံစားနေရတာ မပြီးပြတ်သေးဘူးလို့ ယူဆရတာ၊ နောင်တ ရတာတွေကို စာရင်းချကြည့်ကြစမ်းပါတဲ့။
နောက်တစ်ပတ်ကျတော့ အတန်းရှေ့ထွက်ပြီး ကိုယ်ချထားသမျှ စာရင်းကို အော်ဖတ်ချင်တဲ့သူရှိရင် ထွက်ဖက်ပေးကြပါလို့ နည်းပြဆရာက ဖိတ်ခေါ်လိုက်ပါတယ်။ တကယ်တော့ ဒါက လူတစ်ဦးချင်းစီရဲ့ ပုဂ္ဂလိကဘ၀ထဲက အကြောင်းအရာတွေ၊ ကိုယ်ရေး ကိုယ်တာတွေပါပဲ။
ဒါပေမယ့်လည်း ကျွန်တော်တို့အတန်းထဲက လူစုထဲမှာ ကိုယ့်ပေါင်ကိုယ်လှန်ထောင်းရဲတဲ့သူတွေ အလျှိုလျှိုပေါ်လာတယ်။
သည်လိုနဲ့ တစ်ယောက်ပြီးတစ်ယောက် အော်အော်ဖတ်သွားနေတုန်းပဲ ကျွန်တော်ဘာသာ ပြုစုထားတဲ့ “အတိတ်ကြွေး” စာရင်းကလည်း ရှည်သထက်ရှည်လာပါတယ်။ သုံးပတ်တိတိကြာချိန်မှာတော့ ကျွန်တော်ရဲ့ စာရင်းထဲမယ် နှောင်းနောင်တ ဖြစ်ရပ်စာရင်းက အမှတ်စဉ် ၁၀၁ အထိတောင် ရောက်လို့လာပါတော့တယ်။
သည်အချိန်ကြတော့ နည်းပြဆရာက ကျွန်တော်တို့ကို အကြံပေးတယ်။ အဲသည့်အတိတ်တွေနဲ့ ပတ်သတ်ပြီး ပြုပြင်သင့် ပြုပြင် ပါ။ တောင်းပန်သင့်တောင်းပန်ပါ။ မှားနေတာဆိုရင်လည်း အမှန်ကိုရောက်အောင် ကိုယ့်ကိုကိုယ် ပြန်တည့်မတ်ယူသင့် ယူပါတဲ့။
သူ့နည်းက ကျွန်တော်ရဲ့ လူမှုဆက်ဆံရေးအစွမ်းအစတွေကို ဘယ်လိုများ တိုးတက်လာမှာပါလိမ့်လို့ ကျွန်တော်တနုံ့နုံ့တွေး နေမိခဲ့တယ်။ အဲသလိုတွေးနေရင်းနဲ့ပဲ ကျွန်တော်ဘ၀ထဲက လူပုဂ္ဂိူလ်အတော်များများနဲ့ ကျွန်တော်နဲ့ကစိမ်းနေသလိုကြီး ခံစားလာ ရတယ်။
နောက်တစ်ပတ်ကျတော့ ကျွန်တော်နဲ့ဘေးချင်းကပ်လျက် ထိုင်နေသူက သူ့အထုပ်သူ့ ဖြည်ပါရစေဆိုပြီး အတန်းကို အခုလိုပြောပြပါတော့တယ်။
ကျွန်တော်ရဲ့စာရင်းကို ပြုစုနေတုန်းမှာပဲ အထက်တန်းကျောင်းသားဘ၀က အဖြစ်အပျက်ကို ပြန်သတိရသွားတယ်ဗျ။
ကျွန်တော်ဟာ အိုင်ဝိုဝါပြည်နယ်က မြုိ့လေးတစ်မြုိ့မှာ လူလားမြောက်ခဲ့တာပါ။ မြို့မှာက ကျွန်တော်တို့လို လူငယ်လူရွယ်တွေအတွက် အင်မတန်မုန်းစရာ ကောင်းလှတဲ့ရဲသားကြီးတစ်ယောက် ရှိတယ်။ အဲသည့်ရဲကြီးနာမည်က ဦးညိုတဲ့။
တစ်ညကျတော့ ကျွန်တော်နဲ့ သူငယ်ချင်းနှစ်ယောက် တိုင်ပင်ကြတယ်။ ရဲကြီးဦးညိုကို ဒုက္ခပေးဖို့ပေါ့။ ဒါနဲ့ဘီယာသုံးလေးခွက် သောက်ပြီး ရဲဆေးတင်၊ ပြီးတော့ ဆေးနီတစ်ဘူးရှာ၊ ပြီးတော့ မြို့လယ်ကောင်မှာရှိတဲ့ ရေစင်ကြီးပေါ်မှာတက်တဲ့ပြီး အနီရောင်တောက် တောက်နဲ့ ရေတိုင်ကီပေါ်မှာ ရေးချလိုက်တယ်။ ရဲသားလုပ်တဲ့ ဦညိုဟာ မိန်းမရွှင်က မွေးတာပါ လို့။
နောက်တစ်ရက် မနက်လည်းကျရော ကျွန်တော်တို့ရေးသားထားတာကို တစ်မြို့လုံးမြင်ကြပြီး အုတ်အော်သောင်းသောင်း ဖြစ်ကုန်တော့တာပဲပေါ့။
နောက်နှစ်နာရိလောက်နေတော့ ကျွန်တော်တို့သုံးယောက်လည်း ရဲကြီးဦးညိုရဲ့ ရုံးခန်းထဲ ရောက်သွားတော့တယ်။ ကျွန်တော့်သူငယ်ချင်းနှစ်ယောက်က အဲသည်စာတန်းကိုရေးခဲ့ပါတယ်လို့ ၀န်ခံကြပေမယ့် ကျွန်တော်ကတော့ ဖြောင့်ကွယ် ကွယ်လိုက်တယ်။ လိမ်လိုက်တယ်။ သူငယ်ချင်းနှစ်ယောက်က ၀န်ခံနေမှတော့ ကျွန်တော်ကိုလည်း ဘယ်သူမှ မသင်္ကာမဖြစ်တော့ဘူးပေါ့ဗျာ။
အဲသည်ကနေ နှစ်ပေါင်း ၂၇ နှစ်ကြာတဲ့ ကနေ့အချိန်ထိ ရဲကြီးဦးညိုရဲ့နာမည်ဟာ ကျွန်တော်ရဲ့စာရင်းထဲမှာ ထင်းထင်းကြီးကြီး ရှိနေတုန်းပဲဗျ။ ကျွန်တော်လည်း လူကြီးဖြစ်လာခဲ့ပြီ။ ဦးညိုတစ်ယောက်လည်း ကနေ့ထက်တိုင် သက်ရှိထင်ရှား ရှိမှရှိပါ့ဦးမလားမသိလို့ ကျွန်တော်တွေးနေမိတဲ့အခါ စိတ်ထဲမှာနေလို့မကောင်းချင်တော့ဘူးဗျ။
ဒါနဲ့ စနေနေ့ကတော့ဗျာ ကျွန်တော်လည်း အိုင်အိုဝါပြည်နယ်က ဇာတိမြို့ကို လှမ်းဖုန်းဆက်ပြီး တယ်လီဖုန်းစုံစမ်းရေးဌာနကို လှမ်းမေးမိသွားရပါတယ်။
ကံကောင်းချင်တော့ ဦးညိုရဲ့နာမည်က တယ်လီဖုန်းစာအုပ်ထဲမှာ ရှိနေတယ်။ ဒါနဲ့ သူ့ဖုန်းနံပါတ်ကို တောင်းပြီးချက်ချင်းပဲ ဦးညိုဆီ ဆက်လိုက်ပါတယ်။
လေးငါးချက်မြည်ပြီးတော့ ဟယ်လို ဆိုတဲ့ ထူးသံ ကြား၇တယ်ဗျ။ ရဲကြီးဦးညိုပါလားချင်ဗျာ လို့ကျွန်တော်ကမေးလိုက်တော့ တစ်ဖက်က တစ်အောင့်လောက်တိတ်သွားတယ်။ ပြီးတော့မှ ဟုတ်ပါ့ဗျား လို့ပြန်ဖြေတယ်။
သြော်..ကျွန်တော် ဂျင်မီကိုကိုပါ။ ဟိုး လွန်ခဲ့တဲ့ နှစ်ပေါင်း ၂၀ လောက်တုန်းက မြို့လယ်ကောင်ရေစင်ပေါ်က စာကို တက်ရေးခဲ့ တဲ့အထဲမှာ ကျွန်တော်ပါတယ်ဆိုတာ ၀န်ခံချင်လို့ ဖုန်းဆက်လိုက်တာပါခင်ဗျ။ လို့ပြောလိုက်မိရပါတယ်။
အဲသည့်ကတည်းက မင်းပါမှန်း ငါသိတယ်ကွ လို့ ဦးညိုက ကျွန်တော်ကို ပြန်အော်ပါတယ်။ သူ့စကားလည်းဆုံးရော ကျွန်တော်တုိ့နှစ်ယောက်လည်း အားပါးတရ ရယ်လိုက်မိကြတယ်။ နောက်တော့ ရှေးဟောင်းနှောင်းဖြစ်တွေကို နှစ်ယောက်သား အတော်ကြာကြာ ပြောဖြစ်သွားတယ်။
ဖုန်းချခါနီးကျတော့မှ ဦးညိုက ကျွန်တော်ကိုပြောတယ်။
ဂျင်မီရေ မင်းအတွက် ငါ တော်တော် စိတ်မကောင်းဖြစ်နေခဲ့တာကွာ။ မင်းသူငယ်ချင်းတေါကတော့ သူတို့အပြစ်သူတို့ အစောကြီးကတည်းက ၀န်ခံခဲ့ကြတာမို့ သူတို့ ရင်ထဲမှာ ပေါ့နေ၊ ရှင်းနေမှာ သေချာတယ်။ မင်းကျတော့ ၀န်မခံသူဖြစ်နေတော့ကာ မင်းမှာ တစ်သက်လုံး တအုံနွေးနွေးနဲ့ဖြစ်နေတော့မှာ။ မင်းလိပ်ပြာက မင်းကို တစ်ရံမလပ် ခြောက်လှန့်နေတော့မှာကို တွေးမိပြီး ငါတော်တော် စိတ်မကောင်းဖြစ်နေတာကွ ဟေ့ကောင်။ အေး …အခုလို ဖုန်းဆက်ပြီး မင်းအပြစ် မင်းဝန်ခံတာကို ငါတကယ် ကျေးဇူး တင်တယ်ကွာ။ ကျေးဇူးတင်တယ်ဆိုတာကလည်း ငါ့အတွက်မဟုတ်ပါဘူး။ မင်းအတွက်ပါပဲ ဂျင်မီရေ တဲ့။
ဂျင်မီ အဖြစ်ဟာ ကျွန်တော်စာရင်းထဲက နောင်တ ၁၀၁မယ်ကို ရှင်းထုတ်နိုင်အောင် နိူးဆော်ပေးလိုက်ပါတော့တယ်။ အဲသည့်နောင်တ မျိုးကို ရှင်းထုတ်ဖို့ နှစ်နှစ်လောက် အချိန်ယူခဲ့ရပါတယ်။ ယခုအခါမှာတော့ အတိတ်ကြွေးတွေ အကုန်ရှင်းပြီးသား ဖြစ်သလို ပဋိပက္ခတွေကို ကြားဝင်ဖြေရှင်းပေးသူကောင်း တစ်ယောက်ဘ၀ကိုလည်း ကျွန်တော်ေ၇ာက်လာခဲ့ပါပြီ။
ပဋိပက္ခ တွေ ဘယ်လောက်ပဲကြီးကြီး၊ အခြေအနေ ဘယ်လောက်ပဲဆိုးဆိုး၊ ပြဿနာ ဘယ်လောက်ပဲတက်တက်၊ အတိတ်ကို သင်ပုန်းချေပြီး ကျေအေးတဲ့ အလုပ်ဟာ ဘယ်တော့မှနောက်မကျဘူး ဆိုတဲ့အချက်ကို ဂျင်မီက ကျွန်တော့်ကို ထောက်ပြနိုင်ခဲ့ပါသော်ကောခင်ဗျား။။။။။။။
No comments:
Post a Comment